У мінулую сераду на базе шостага аддзялення паштовай сувязі Кобрынскага РВПС супрацоўнікі рэдакцыі газеты “Кобрынскі веснік” прынялі ўдзел у правядзенні чарговага рэспубліканскага Дня падпісчыка, які традыцыйна збірае шмат гасцей. І першым, хто пажадаў працягнуць сяброўства з “КВ”, стала кабрынчанка Яўгенія Малайчук. Яўгенія Макараўна - наш шматгадовы падпісчык. І нам было прыемна пачуць ад яе шмат добрых пажаданняў, якія тычыліся рэдакцыйнага калектыву. Яна адзначыла, што “КВ” вельмі папулярны сярод яе сябровак і знаёмых. Менавіта на старонках раённай газеты, заўважыла Яўгенія Малайчук, аператыўна і кампетэнтна падаецца актуальная інфармацыя аб жыцці Кобрыншчыны.
Усяго ў той дзень аформілі падпіску на “раёнку” 30 чалавек. Кожны з іх атрымаў падарунак. Дзякуй вам, шаноўныя сябры, за давер і ўвагу! Заставайцеся з намі!
Раман МЕЛЬНІК.
НА ЗДЫМКУ: наш першы падпісчык Яўгенія Малайчук.
Фота аўтара.
Поделиться в соцсетях:
