Усе песні вам, жанчыны!
Акрамя ахапкаў цюльпанаў, букетаў руж і іншых кветак, кобрынскія жанчыны на 8 Сакавіка атрымалі яшчэ адзін падарунак – вялікую святочную канцэртную праграму, якая ладзілася ў Палацы культуры.Зала была поўнай. Усе, хто прыйшоў на свята, змаглі атрымаць асалоду ад разнастайнасці і прыгажосці творчых нумароў.
На сцэне жартавалі дзеці, жанчыны-артысткі ў такой жа вясёлай манеры разважалі на тэму прыгажосці, кахання, узаемаадносінаў паміж жанчынамі і мужчынамі.Мужчыны прызнаваліся жанчынам у сваіх пачуццях з дапамогай прыгожых песень, ліліся задорныя цыганскія мелодыі, жартоўнымі беларускімі песнямі парадаваў народны ансамбль народнай песні “Кобрынскія музыкі”, музычныя кампазіцыі дарылі дзеці. Самыя цёплыя словы падзякі і віншаванні жанчынам Кобрыншчыны адрасаваў старшыня райвыканкама Аляксандр Зазуля.
А ў канцы на сцэне адбылося самае сапраўднае дэфіле ўсіх прыгажунь, што дапамагалі ладзіць свята.Людміла ПАШКОВІЧ.НА ЗДЫМКУ аўтара: моманты святочнага канцэрта.
Поделиться в соцсетях:
