У будынку Кобрынскага райвыканкама раённы вузел паштовай сувязі сумесна з рэдакцыяй газеты “Кобрынскі веснік” праводзіў Дзень падпісчыка. Гэтае мерапрыемства даўно стала традыцыйным і дае людзям магчымасць аформіць падпіску на любімыя газеты і часопісы ў святочнай атмасферы.
А яшчэ ў гэты дзень чытачы “раёнкі” ў жывой гутарцы з галоўным рэдактарам Раманам Мельнікам маглі выказаць свае заўвагі і пажаданні. Першым падпісчыкам стала старшыня Кобрынскай раённай арганізацыі грамадскага аб’яднання “БелТІЗ” Валянціна Смяховіч. Яна павіншавала газету з надыходзячым юбілеем, пажадала творчых поспехаў калектыву. Сярод падпісчыкаў у гэты дзень былі Аляксандр Зазуля, Іван Даўжук, Сяргей Дзенісевіч і многія іншыя.
Аформіць падпіску на любімыя перыядычныя выданні з атрыманнем прызоў можна было і 10 чэрвеня ў 6-м аддзяленні паштовай сувязі па вуліцы Інтэрнацыянальнай у час правядзення абласнога Дня падпісчыка. Гэта была яшчэ адна магчымасць жывога дыялогу з галоўным рэдактарам “Кобрынскага весніка”.Ганна НІЧЫПАРУК,пенсіянерка:- Я з’яўляюся пастаянным чытачом вашай газеты. Падабаецца ўсё. Ведаю навіны свайго рэгіёна. Падпіску афармляю на паўгоддзе - так зручней.Ніна ВАШЧУК:- Падпіску на “Кобрынскі веснік” раней не афармляла. Чытаць газету неяк не даводзілася. Калі спадабаецца, параю сваім дзецям.Сям’я МАКСІМУК:- Мы з’яўляемся вашымі пастаяннымі падпісчыкамі. Чытаем газету ўсёй сям’ёй. Падабаецца, як падаюцца навіны горада і раёна, ёсць старонка для дзяцей. Падпіску афармляем у Дзень падпісчыка. Для нашай сям’і гэта традыцыя.Колькасць падпісчыкаў на “Кобрынскі веснік” у гэтыя дні стала рэкорднай за апошнія пяць гадоў - за два дні на “раёнку” падпісаліся 100 чалавек! У прыхільнікаў “Кобрынскага весніка” яшчэ ёсць магчымасць запрасіць газету да сябе ў дом, таму што падпісная кампанія будзе доўжыцца да 27 чэрвеня.Дзякуй за давер, паважаныя чытачы!Людміла ДУБІНА.НА ЗДЫМКАХ: старшыня райвыканкама Аляксандр Зазуля і яго намеснік Сяргей Дзенісевіч афармляюць падпіску на “Кобрынскі веснік”; сям’я Максімук запрасіла “раёнку” ў свой дом.Фота Рамана МЕЛЬНІКА.
Поделиться в соцсетях:
