Сб, 13 июля 2024
Прогноз погоды

На лыжах і па асфальце!

30/09/2009

    Упершыню за ўсю спартыўную гісторыю Кобрыншчыны 26 верасня на перакрыжаванні вуліц Дружбы і Інтэрнацыянальнай праводзіўся восьмы этап рэспубліканскіх спаборніцтваў па лыжароллерам, якія прысвечаны 65- годдзю вызвалення Беларусі ад нямецка-фашыстскіх захопнікаў. Усяго ў мерапрыемстве прынялі ўдзел каля 40 чалавек з Мінска, Полацка, Барысава, Копыля, і Наваполкацка.

    Галоўным арганізатарам гэтага мерапрыемтсва выступілі Беларуская федэрацыя лыжных гонак і ГА ”БРСМ”. Анаглагічныя старты праводзіліся сёлета па ўсёй краіне для таго, каб папулярызаваць масавыя віды спорту на месцах, прыцягнуць людзей розных узростаў для заняткаў фізкультурай.

    Лыжароллеры пакуль яшчэ не звыклыя для многіх кабрынчан. Галоўныя атрыбуты ў гэтым відзе спорту – кароткія пластыкавыя лыжы на спецыяльных роліках. Тэхніка перасоўвання вельмі падобная на каньковы ход, пагэтаму навучыцца ўпэўнена катацца на лыжароллерах не складана. Паволде слоў начальніка аддзела па фізкультуры, спорце і турызме райвыканкама Васіля Знахарчука, мяркуецца, што на Кобрыншчыне пры адпаведнай падтрымцы і наяўнасці жадаючых такое захапленне абавязкова атрымае сваё развіццё.

    Адзін з удзельнікаў спаборніцтв мінчанін Аляксандр Пугач усё сваё сумленнае жыццё захапляецца лыжамі. Лыжароллеры ён выбраў як альтэрнатыву, таму, што з улікам цёплых зім снег стаў нажаль рэдкасцю. Гэты від спорту гарманічна разівае самыя галоўныя мышцы цела, дае лагодную нагрузку на ўнутраныя органы, таму займацца ім можна ў любым узросце. Дарэчы самым сталым ўдзельнікам спаборніцтваў стаў 75 гадовы мінчанін Пётр Зміеўскі, які мае добрую атлетычныую фігуру, яшчэ поўны бадзёрасці, маладосці і імпэту.

    На ўрачыстым адкрыцці лыжаролерных гонак прысутных вітаў намеснік старшыні райвыканкама Валерый Іванюк, які шчыра павіншваваў усіх са спартыўным святам, пажадаў моцнага здароўя і перамогі. Прагучаў гімн Рэспублікі Беларусь, і адказныя старты пачаліся. Спартсменам было неабходна пераадолець участак трасы за кароткі час даўжынёй у пяць кіламетраў. Усе, хто ўпершыню назіраў за перасоўваннем лыжнікаў па асфальце, глядзелі на іх спачатку з усмешкай, а потым з вялікай зацікаўленасцю. Грацыёзна, нетаропка спартсмены набіралі хуткасць і праз лічаныя сякунды скрываліся за гарызонтам.

    У выніку гонак пераможцы і прызёры ва ўрачыстай абстаноўцы былі ўзнагароджаны кубкамі, дыпломамі і памятнымі падарункамі. Паводле слоў арганізатараў, правядзенне падобных спаборніцтваў па ўсёй Беларусі абавязкова працягнецца і ў наступным годзе. Спадзяемся, што на гэты раз кабрынчане выставяць дастойную каманду гоншчыкаў.

    Раман МЕЛЬНІКФота аўтара

Поделиться в соцсетях:


Кобринский РОЧС приглашает на службу