Віншаванне кіраўніцтва Кобрынскага раёна з Днём абаронцаў Айчыны і Узброеных Сіл Рэспублікі Беларусь
Паважаныя кабрынчане!
Прыміце шчырыя віншаванні з Днём абаронцаў Айчыны і Узброеных Сіл Рэспублікі Беларусь!
Гэтае свята – увасабленне моцы і сілы нашай суверэннай дзяржавы, сімвал адданасці Радзіме, вернасці прысязе і гатоўнасці абараняць інтарэсы сваёй краіны. У яго аснове – павага да гістарычнага мінулага і гонар за сучасную беларускую армію, якая стаіць на варце спакойнага і мірнага жыцця беларусаў.
Мы ўслаўляем памяць афіцэраў і салдатаў, якія ў гады Вялікай Айчыннай вайны аддалі жыццё ў імя будучыні свайго народа; схіляем галаву перад доблесцю і адвагай усіх, хто ўставаў на абарону міру са зброяй у руках і хто сёння ва ўмовах новых глабальных пагроз бярэ на сябе адказнасць за спакой і парадак на роднай зямлі.
Няхай 23 лютага стане для ўсіх нас гонарам за Рэспубліку Беларусь, якая з павагай ставіцца да сваіх Узброеных Сіл і падзякай да тых, хто ахвяраваў сабой у імя будучыні і пацвердзіў высокае званне Абаронцы Бацькаўшчыны.
Жадаем усім моцнага здароўя, радасці, шчасця, мірнага неба, дабрабыту, поспехаў у імя далейшага ўмацавання Рэспублікі Беларусь.
Са святам! З Днём абаронцаў Айчыны і Узброеных Сіл Рэспублікі Беларусь!
