З першага жніўня ў Беларусі змяніліся тарыфы на некаторыя паслугі жыллёва-камунальнай гаспадаркі.
Як паведамілі ў КУШВП ЖКГ “Кобрынская ЖКГ”, са жніўня кошт тэхнічнага абслугоўвання 1 кв. м агульнай плошчы жылых памяшканняў складае цяпер 500 рублёў (было 395 рублёў). Кошт тэхнічнага абслугоўвання па тарыфах, што забяспечваюць поўнае пакрыццё выдаткаў, вырас на 330 рублёў - да 1300 за квадратны метр.
За карыстанне ліфтамі давядзецца заплаціць 2200 рублёў з чалавека. Электраэнергія ў жылых дамах без электрапліт будзе каштаваць 295 руб. за 1 кВт-гадзіну, а ў дамах з электраплітамі - 250,6 руб. за 1 кВт-гадзіну.
Цэны на газ вагаюцца ў залежнасці ад умоў пражывання.
Калі ў вас няма лічыльніка на газ, а ёсць газавая пліта і цэнтралізаванае гарачае водазабеспячэнне, вы заплаціце 7468,8 руб. з чалавека ў месяц, калі ў кватэры ёсць газавая пліта і газавы воданагравальнік - 21472,8 руб. Калі ж у кватэры ёсць толькі газавая пліта - 12136,8 руб. з аднаго пражываючага.
Калі вы маеце газавы лічыльнік і кацёл, то летам кубаметр газу для вас будзе каштаваць 933,6 руб., а ў ацяпляльны перыяд - 341,7 руб. Калі ж ёсць газавы лічыльнік, але няма індывідуальных газавых ацяпляльных прыбораў, то кошт 1 куб. м газу складзе 933,6 руб.
З 1 жніўня таксама паднялася цана на звадкаваны газ. Цяпер балон вагой 21 кг “пацягне” на 48100 руб.
Настасся ЗАНЬКО.
Поделиться в соцсетях:
