Апошні званок - значная падзея для ўсіх выпускнікоў, якая сімвалізуе заканчэнне школьных гадоў і пераход у дарослае жыццё.
24 мая, "Кобринский вестник"/ Сёлета вучні сярэдняй школы № 6 адзначаюць гэтае свята з асаблівым размахам. Праграма ўключае кранальныя песні, словы і мноства прыемных сюрпрызаў, якія ствараюць атмасферу настальгіі.
Падтрымку выпускнікам аказваюць не толькі настаўнікі і бацькі, але і намеснік старшыні Кобрынскага райвыканкама Ганна Брынчук:
- Сёння ва ўсіх школах Рэспублікі Беларусь гучыць апошні званок, які датычыцца як выпускнікоў, так і першакласнікаў. Хачу пажадаць усім ісці па жыцці з перамогамі ў сваіх марах, мэтах і ніколі не забываць тых, хто падтрымліваў вас з самага пачатку шляху!
Дзяўчынкі апранаюцца ў традыцыйную савецкую школьную форму, дадаючы асаблівы шарм гэтаму дню. Апошняя лінейка - гэта не толькі развітанне са школай, але і светлыя надзеі на будучыню.
Тэкст і фота Ірыны АМЕЛЬЯНЧУК
Поделиться в соцсетях:
