Культура беларускага народа цесна звязана з працай на зямлі. Многія святы, традыцыі і абрады бяруць свой пачатак з земляробчага календара. Адзін з самых вядомых старажытных абрадаў усходніх славян - “Дажынкі”. Ён сімвалізуе канец гарачай уборачнай пары, завяршэнне цыклу каляндарных земляробчых работ, таму і праводзілі яго з вялікім размахам.
Традыцыі дажынак аказаліся такімі моцнымі, што захаваліся і да нашых дзён. У 2020 годзе абласны фестываль-кірмаш працаўнікоў вёскі пашчасціла прымаць Кобрыншчыне. 12 верасня аграгарадок Дзівін будзе сустракаць як саміх герояў жніва, так і тых, хто захацеў ім выказаць словы падзякі. Віншаванні і падарункі, выставы народнай творчасці, песні, танцы… Народ заслужыў гэтае свята. Вялікі каравай на стале і збожжа ў засеках – дабрабыт нашай краіны.
Алена Бакун
Поделиться в соцсетях:
