Мы объявляем конкурс «Великан на грядке». Если у вас вырос необычный урожай, поделитесь информацией с нами. Присылайте фото на электронный адрес info@vkobrine.by, +375(29) 747-77-80 (Viber). Мы покажем и расскажем об этом нашим читателям.
Гарбуз вагой больш за 20 кг вырасціла ў сваім агародзе жыхарка вёскі Лелікава Галіна Ярмалюк.
Жанчыне ідзе 72-і год, нягледзячы на гэта яна па-ранейшаму трымае хатнюю гаспадарку. З жывёлы ў яе толькі куры. «Здароўе ўжо не тое», – прызнаецца наша гераіня і расказвае, што ў свой час у сям’і было дзве каровы, конь, свінні, птушка розная. Жанчына стала ўдавой у 38 гадоў, на руках засталося чацвёра непаўналетніх дзяцей, вось і прыходзілася круціцца.
У яе агародзе чаго толькі няма. Побач з распаўсюджанымі культурамі растуць і экзоты – кавуны, якія яна вырошчвае, каб частаваць унукаў, а іх у жанчыны дзясяцера. Ёсць і праўнучка. У апошнія гады на Кобрыншчыне сталі культываваць маліну, чым занялася і наша агародніца.
Да працы Галіна Аляксандраўна прывыклая. Усё жыццё аддала мясцоваму калгасу, дзе была занята ў жывёлагадоўлі.
Ураджаем гарбузоў задаволеная, асабліва ганарыцца сваім веліканам.
– Асцярожна, для збору ўраджаю не час, ён яшчэ расце, – папярэджвае наша гераіня.
Людміла ДУБІНА
ФОТА: ЛЮДМІЛА ДУБІНА
Поделиться в соцсетях:
