Перадвыбарная гонка ў разгары!
Усё бліжэй выбары ў Палату прадстаўнікоў Нацыянальнага сходу Рэспублікі Беларусь. На Кобрыншчыне, як і па ўсёй краіне, поўным ходам ідзе перадвыбарная агітацыя. Для кабрынчан гэта стала шансам бліжэй пазнаёміцца не толькі з праграмамі сваіх кандыдатаў, але і з самімі прэтэндэнтамі на дэпутацкую пасаду. Менавіта так, у атмасферы жывой і цікавай гутаркі, прайшлі пікеты ў падтрымку кандыдатаў у дэпутаты Васілія Дземідовіча і Аляксандра Меха, за работай якіх мы назіралі ў мінулыя выхадныя.
Абодва пікеты праходзілі ў людных месцах. За дырэктара Кобрынскага дзяржаўнага політэхнічнага каледжа Васілія Дземідовіча агітавалі каля вялікага рынку, пікет ў падтрымку Аляксандра Меха працаваў каля гандлёвага цэнтра “Палессе”. Актыўны ўдзел у рабоце пікетаў прынялі і самі кандыдаты ў дэпутаты. Гэта стала прыемным сюрпрызам для выбаршчыкаў, якія скарысталіся гэтай магчымасцю. Пытанні, якія паступалі ад грамадзян у ходзе пікетаў, былі самымі разнастайнымі і датычыліся як біяграфіі кандыдатаў і ходу выбарчай кампаніі, так і вострых тэм і праблем, што хвалююць кабрынчан.Дзмітрый БЯЛОЎ.НА ЗДЫМКАХ: пікеты ў падтрымку Васілія Дземідовіча і Аляксандра Меха. Фота аўтара.
Поделиться в соцсетях:
