В Кобрин на Коляду приехала…Коза?! :)

Хоць сёлета ў навагоднія і калядныя дні і ночы “традыцыйна” адсутнічалі белы сняжок з лёгкім марозцам, аднак такая акалічнасць зусім не перашкаджала адчуць сапраўднае свята. Гэта адчуванне выдатна падтрымала і тэатралізаванае прадстаўленне “Каляда прыйшла, адчыняй вароты”, якое прайшло надвячоркам 7 студзеня на цэнтральнай плошчы горада. Юныя і дарослыя артысты дарылі прысутным свой талент і цудоўны настрой, міфалагічны персанаж каляднай дзеі Каза, скачучы, зычыла ўсім добрым людзям багацця і шчасця, а над усімі казачна мігацела навагодняя ёлка, нібы асвятляючы мірным святлом не толькі пляц, але і ўвесь год наперад…

НА ЗДЫМКАХ: момант тэатралізаванага прадстаўлення; “Дзе Каза паходзіць, там жыта родзіць!..”.

Тэкст і фота Яна ПАЛЕСКАГА.

Добавить комментарий

Ваш e-mail не будет опубликован. Обязательные поля помечены *