З Днём Перамогі!

Дарагія ветэраны Вялікай Айчыннай вайны!

Паважаныя кабрынчане!

Віншуем вас з Днём Перамогі! Мінула 66 гадоў, але гэтае свята і сёння для мільёнаў суайчыннікаў самае дарагое і важнае.

Вайна прыйшла ў наш родны дом шматлікімі пакутамі і ахвярамі. За ўвесь перыяд акупацыі ў Кобрынскім раёне загінула больш за 13 тысяч чалавек. Знішчаны 9 населеных пунктаў, 3019 пабудоў, 19 школ, 3 медпункты, 2 царквы, узарвана 2 цагельныя заводы, масты цераз раку Мухавец, электрастанцыя, 3 млыны, 2 шлюзы на Днепра-Бугскім канале, лесазавод, разбураны чыгуначная гаспадарка, тэлеграф.

Шлях да Перамогі быў доўгім і складаным. Ужо ў першыя месяцы вайны на Кобрыншчыне разгарнуўся падпольны і партызанскі рух. Пасля вызвалення горада 3203 нашы землякі былі прызваны ў рады дзеючай арміі толькі Кобрынскім райваенкаматам, з іх загінула на франтах Вялікай Айчыннай вайны 1315 чалавек.

Мы ўдзячны ўсім, хто выстаяў і перамог, адбудаваў краіну і дараваў нам права на жыццё і творчасць. Выказваем вам шчырыя словы падзякі за светлую будучыню, за гераізм і мужнасць, праяўленыя ў гады вайны. Ветэраны Вялікай Айчыннай – яркі прыклад любові да Радзімы. Мы ў адказнасці за яе лёс. Мы памятаем і высока цэнім вашы здабыткі для Айчыны і нашага мірнага жыцця. Нізкі вам зямны паклон!

Сёння перад намі галоўная мэта – забяспечыць мір, сацыяльную і эканамічную стабільнасць і тым самым захаваць заваяванні Перамогі.

У гэты святочны дзень жадаем усім моцнага здароўя, даўгалецця, шчасця і дабрабыту. Са святам!

РАЁННЫ ВЫКАНАЎЧЫ КАМІТЭТ.

РАЁННЫ САВЕТ ДЭПУТАТАЎ.

РАЁННЫ САВЕТ ВЕТЭРАНАЎ.

РАЁННАЕ АБ’ЯДНАННЕ ПРАФСАЮЗАЎ.

РК ГА “БРСМ”.

Добавить комментарий

Ваш e-mail не будет опубликован. Обязательные поля помечены *